ಪನ್ನೀರ್ ಮೊಮೊಸ್
ತಯಾರಿಸಲು ಬೇಕಾಗುವ ಸಾಮಗ್ರಿಗಳು :
- 1 ಕಪ್ ಬೀನ್ಸ್
- 1 ಕಪ್ ಸ್ಪ್ರಿಂಗ್ ಆನಿಯನ್
- 1/2 ಕಪ್ ಈರುಳ್ಳಿ
- ಕ್ಯಾರೆಟ್ 1/2 ಕಪ್
- 1/2 ಚಮಚ ಬೆಳ್ಳುಳ್ಳಿ
- 4 ಕಪ್ ಮೈದಾ
- 1/2 ಕಪ್ ಕ್ಯಾಬೇಜ್
- 1/4 ಚಮಚ ಕಾಳು ಮೆಣಸಿನ ಪುಡಿ
- 1 ಕಪ್ ಪನ್ನೀರ್
- 1 ಚಮಚ ಬೆಣ್ಣೆ
- ಉಪ್ಪು
- ಎಣ್ಣೆ
ಮಾಡುವ ವಿಧಾನ:
- ಪ್ಯಾನ್‌ಗೆ ಎಣ್ಣೆ ಹಾಕಿ ಅದಕ್ಕೆ ಕತ್ತರಿಸಿದ ಈರುಳ್ಳಿ, ಬೆಳ್ಳಿಳ್ಳಿ ಹಾಕಿ 2 ನಿಮಿಷ ಆಡಿಸಿ, ಉಳಿದೆಲ್ಲಾ ಸಾಮಗ್ರಿ ಹಾಕಿ, ರುಚಿಗೆ ಉಪ್ಪು ಸೇರಿಸಿ ಫ್ರೈ ಮಾಡಿ ಇಡಿ.
- ಈಗ ಮೈದಾಕ್ಕೆ ರುಚಿಗೆ ತಕ್ಕ ಉಪ್ಪು ಹಾಗೂ ಸ್ವಲ್ಪ ನೀರು ಹಾಕಿ ಮಿಕ್ಸ್ಮಾಡಿ. ಹಿಟ್ಟು ಮೃದುವಾದ ಬಳಿಕ ಅದನ್ನು ಚಿಕ್ಕಚಿಕ್ಕ ಉಂಡೆ ಕಟ್ಟಿ.
- ಈಗ ಚಪಾತಿಗೆ ಲಟ್ಟಿಸುವ ರೀತಿ ತೆಳುವಾಗಿ ಲಟ್ಟಿಸಿ. ಲಟ್ಟಿಸಿದಾಗ ವೃತ್ತಾಕಾರವಾಗಿ ಬಾರದಿದ್ದರೆ ಒಂದು ಕಪ್ ಒತ್ತಿ ಹಿಡಿದು ಅದನ್ನು ರೌಂಡ್‌ ಶೇಪ್‌ಗೆ ತನ್ನಿ.
- ಈಗ ನೀವು ಸ್ವಲ್ಪ ಫ್ರೈ ತೆಗೆದು ಲಟ್ಟಿಸಿದ ಹಿಟ್ಟಿನಲ್ಲಿ ಹಾಕಿ ಅದನ್ನು ಸ್ಟೈಲ್ ಆಗಿ ಮಡಚಿ. (ಮಡಚುವಾಗ ಅದರ ತುದಿಯನ್ನು ನಿಧಾನಕ್ಕೆ ಮಡಚಿ ಮೊಮೊಸ್ ಆಕಾರಕ್ಕೆ ತರಬಹುದು, ಇಲ್ಲ ಎಲ್ಲಾ ಜೊತೆ ಸೇರಿಸಿ ತುದಿಯಲ್ಲಿ ಮೆಲ್ಲನೆ ತಿರುಗಿಸಿದರು ಆಕರ್ಷಕ ಆಕಾರ ಸಿಗುವುದು).
- ನಂತರ ಮೊಮೊಸ್ ಅನ್ನು ಹಬೆಯಲ್ಲಿ 15 ನಿಮಿಷ ಬೇಯಿಸಿರಿ .
- ಈಗ ರೆಡಿಯಾದ ಮೊಮೊಸ್ ಅನ್ನು ಕೆಂಪು ಚಟ್ನಿ ಜೊತೆ ಸವಿಯಿರಿ.
Tags
ಪನ್ನೀರ್ ಮೊಮೊಸ್