Bondas Sukka | Mangalore Special

 ಬೊಂಡಾಸ್ ಸುಕ್ಕ

ಮಾಡಲು ಬೇಕಾಗುವ ಸಾಮಾಗ್ರಿಗಳು :

• ಬೊಂಡಾಸ್ ಮೀನು - ಅರ್ಧ  ಕೆಜಿ 
• ತುರಿದ ತೆಂಗಿನಕಾಯಿ - ಒಂದು ಕಪ್ 
• ಬಫತ್ ಪೌಡರ್ - ಒಂದೂವರೆ ಟೀ ಸ್ಪೂನ್ 
• ಟೊಮೇಟೊ -ಎರೆಡು 
• ಈರುಳ್ಳಿ -ಒಂದು 
• ಹಸಿಮೆಣಸಿನಕಾಯಿ -ಎರೆಡು 
• ಶುಂಠಿ - ಒಂದು ಇಂಚು 
• ಬೆಳ್ಳುಳ್ಳಿ - ನಾಲ್ಕು ಎಸಳು 
• ಎಣ್ಣೆ - ನಾಲ್ಕು ಟಿ ಸ್ಪೂನ್ 
• ಕೊತ್ತಂಬರಿ  ಸೊಪ್ಪು - ಸ್ವಲ್ಪ 
• ಕರಿಬೇವಿನ ಸೊಪ್ಪು - ಐದು ಎಸಳು 
• ನೀರು - ಒಂದು ಕಪ್ 

ಮಾಡುವ ವಿಧಾನ :

1. ಮೊದಲು ಬೊಂಡಾಸ್ ಮೀನನ್ನು ಶುಚಿಯಾದ ನೀರಿನಲ್ಲಿ ಚನ್ನಾಗಿ ತೊಳೆದುಕೊಳ್ಳಬೇಕು. 
2. ತೊಳೆದು ಕೊಂಡ ಬೊಂಡಾಸ್ ಮೀನನ್ನು ಸಣ್ಣ ಸಣ್ಣದಾಗಿ ಕತ್ತರಿಸಿ ಕೊಳ್ಳಿ , ನೀರನ್ನು ಶೋಧಿಸಿಕೊಂಡು  ಬಡಬದಿಯಲ್ಲಿ ಇರಿಸಿ . 
3. ಒಂದು ಪ್ಯಾನ್  ಅನ್ನು ಹೀಟ್ ಮಾಡಿಕೊಂಡು ಅದಕ್ಕೆ ಎಣ್ಣೆ ಯನ್ನು ಹಾಕಿ , ಎಣ್ಣೆ ಬಿಸಿಯಾದ ನಂತರ ಕರಿಬೇವು,ಈರುಳ್ಳಿ ಸೇರಿಸಿ ಚನ್ನಾಗಿ ಬಾಡಿಸಿ . 
4. ಈರುಳ್ಳಿ ಸ್ವಲ್ಪ ಬಣ್ಣ ಬದಲಾಯಿಸಿದ ನಂತರ ಅದಕ್ಕೆ ಬೆಳ್ಳುಳ್ಳಿ, ಶುಂಠಿ ಹಾಗು  ಕತ್ತರಿಸಿದ  ಹಸಿಮೆಣಸಿನಕಾಯಿಯನ್ನು ಸೇರಿಸಿ ಫ್ರೈ  ಮಾಡಿ. 
5. ಈಗ ಟೊಮ್ಯಾಟೊವನ್ನು ಸೇರಿಸಿ ಚನ್ನಾಗಿ ಬಾಡಿಸಿಕೊಳ್ಳಿ. 
6. ಟೊಮೇಟೊ ಬಾಡಿದನಂತರ ಬಫತ್ ಪೌಡರ್ ಅನ್ನು ಸೇರಿಸಿ ಎರಡು ನಿಮಿಷಗಳ ಕಾಲ ಬೇಯಿಸಿ . 
7. ಈಗ ಬೊಂಡಾಸ್ ಅನ್ನು ಮಸಾಲೆಗೆ ಸೇರಿಸಿ ಉಪ್ಪು ಹಾಗು ಒಂದು ಕಪ್ ನೀರು ಹಾಕಿ ಬೇಯಲು ಬಿಡಿ . 
8. ಹದಿನೈದು ನಿಮಿಷಗಳ ಕಾಲ ಬೇಯಿಸಿದ ನಂತರ ಅದಕ್ಕೆ ತೆಂಗಿನಕಾಯಿ ತುರಿ ಯನ್ನು ಸೇರಿಸಿ. 
9. ನೀರಿನ ಅಂಶ  ಕಡಿಮೆ ಆದ  ಮೇಲೆ ಸ್ಟವ್ ಅನ್ನು ಆಫ್  ಮಾಡಿ ಅದಕ್ಕೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಉದುರಿಸಿದರೆ ರುಚಿಯಾದ ಬೊಂಡಾಸ್ ಸುಕ್ಕ ಸವಿಯಲು  ಸಿದ್ದ.